Muzika nga Nepal për një sfidë të madh si Everest

Për të inkurajuar Nate në udhëtimin e tij me biçikletë, GVers nga Nepal krijuan një playlistë në gjuhën nepalase

Origjinalisht publikuar në Global Voices

Një screenshot nga Resham रेशम – Prakash Dutraj, një nga këngët në playlistën GV Nepali. Screenshot në YouTube. Përdorim i drejtë.

Global Voices ka një lidhje të veçantë me kulturën nepalase. Shumë nga kontribuesit tanë të përhershëm janë nga Nepali, që na lejon të mbulojmë gjuhët, artin, literaturën, historinë, politikën dhe lajmet. Një nga partnerët tanë më të afërt mediatikë është The Nepali Times, dhe Katmandu ishte edhe vendi i samitit tonë të vitit 2024, ku u takuam për dy ditë lidhje, bashkëpunimi dhe diskutimi me gazetarë, aktivistë, teknologë dhe të tjerë nga mbarë bota.

Kjo është një nga arsyet pse mbështetësi i përhershëm i Global Voices Nathan Matias (Nate) vendosi të ndërmarrë sfidën me biçikletë Everest Roam, ku ngjiten më shumë se 10,000 metra lartësi (32,809 këmbë) në më pak se 36 orë, duke pedaluar të paktën 400 kilometra (248 milje). Ai bëri këtë udhëtim për të ndihmuar Global Voices të arrijë qëllimin tonë për mbledhjen e 250,000 dollarëve amerikanë për të vazhduar punën tonë të rëndësishme të raportimit ndërkufitar, përkthimit dhe mbështetjes së komuniteteve të nën-reprezentuara, ashtu siç kemi bërë për 20 vitet e fundit.

Për t’u ndihmuar Nate gjatë udhëtimit të tij, anëtarët e komunitetit nepalas të Global Voices krijuan një playlistë në gjuhën nepalase për të dëgjuar gjatë udhëtimit. Shijoni playlistën e plotë këtu:

Përveç një playlisti në gjuhën nepalase, komuniteti gjithashtu krijoi një playlistë të përgjithshme, të cilën mund ta gjeni këtu.